Kriza e re e Gjirit, Arabia Saudite me vendim ekstrem: kanal detar për izolimin e Katarit

Autoritetet në Arabinë Saudite kanë njoftuar nisjen e punimeve gërmimit përgjatë gjithë kufirit tokësor me Katarin, i cili do ta kthejë këtë vend në një ishull të izoluar në Gjirin Persik.

Al-Qahtani, këshilltar i gjykatës mbretërore saudite, është zyrtari i parë saudit që konfirmon ekzistencën e planit saudit për izolimin e Katarit nga kanali detar në mes të prillit. Ai tha në faqen e rrjetit social Facebook se qëllimi i projektit ishte të ndëshkohej Katari për politikat e tij të gabuara.

Ka qenë periodikja saudite Mekka në numrin e fundit, transmetoi deklaratën e re të Al-Qahtanit, duke thënë se tenderi për projektin e gërmimit të kanalit Selva ishte e hapur deri të hënën.

Deri tani, pesë kompani ndërkombëtare kanë dorëzuar ofertën e tyre për autoritetet saudite dhe kontraktori do të zgjidhet brenda tre muajve nga mbyllja e tenderit.

I njëjti burim thotë se Riadi zyrtar planifikon të gërmoj një kanal detar përgjatë kufirit 60 km Saudi-Katar. Thuhet se projekti do të përfundojë brenda 12 muajve.

Kanali duhet të gërmohet një kilometër brenda territorit saudit. Në brigjet e kanalit, baza ushtarake dhe deponia e mbetjeve nukleare mund të ndërtohen në vazhdim të projektit.

Gazeta saudite Sabq më parë ka shkruar se projekti është me vlerë 2.8 miliard juan (rreth 750 milionë dollarë) dhe se do të realizohet nga një konsorcium prej nëntë investitorësh sauditë.

Arabia Saudite, Egjipti, Emiratet e Bashkuara Arabe dhe Bahreini vitin e kaluar ndërprenë marrëdhëniet e tyre dhe bllokuan hapësirën ajrore dhe kufirin tokësor me Katarin, duke e akuzuar shtetin e vogël të Gjirit se mbështet terrorizmin. Doha zyrtare i ka hedhur poshtë këto akuza, ndërsa në krah ka Turqinë gjithnjë e më të fuqishme të Erdoganit.

Analistët besojnë se kriza aktuale në Gjirin mund të shkaktojë ndryshime afatgjata në marrëdhëniet dhe dinamikën e këtij rajoni, dhe në këtë kontekst ato krahasohet me krizën përpara Luftës së Gjirit nga fillimi i viteve 1990. /tesheshi.com/