Në një fjalëmbajtje me fokus shëndetësinë, kryeministri Rama tha dr. Halim Kosova ishte pasqyrimi më i mirë i PD-së. Sipas tij, opozita bëri aleancë më COVID-in që në nisje të kësaj krize, e ndaj atyre s’mund t’u besohej pushtet.
“Ky është një udhëkryq. A mund që në këtë udhëkryq t’i besohet fati i finales së kësaj lufte atyre që firmosen atë koalicionin tragjikomik, të cilët që nga dita e parë e luftës nuk u rreshtuan bashkë me ne?
Atyre që zgjodhën të bëheshin bashkë me COVID-in, që nga dita e parë e kësaj lufte nuk humbën asnjë ditë pa hedhur baltë, pa shpifur, pa bërë alarm?
A mund t’u besohet atyre në këtë udhëkryq kur personaliteti i tyre më i njohur, më i përkushtuar, dr. Halim Kosova del e thotë publikisht se ku janë ata në raport me këtë luftë dhe cilët janë ata që japin mend dhe bëjnë akuza në mes të kësaj lufte?
Unë them jo, nuk mund tu besohet atyre fati i kësaj lufte në këtë përballje për shëndetin e të gjithë njerëzve tanë”, tha Rama.
Me kërkesën e një mandati të tretë për transformimet e pretenduara në shendëtësi në më pak se 8 vite, Rama ripotencoi Metën si njeriun përballë shqiptarëve më 25 prill, në konkurencë me ofertën e një drejtësie të re që po vjen.
“25 prilli një udhëkryq për drejtësinë dhe në 25 prill siç na ka ndihmuar që ta kemi të qartë Meta, që flet dhe në emër të presidentit më fatkeq, ju do të vendosni me drejtësinë apo me Ilir Metën”, theksoi i pari i qeverisë. /tesheshi.com/
