Politikanët gjermanë, përfshirë ministres e Jashtme, kritikuan Papa Françeskun për thirrjen për negociata paqeje me Rusinë.
“Unë vërtet pyes veten se çfarë donte të thoshte,” tha Annalena Baerbock për televizionin ARD të dielën mbrëma. “Nuk e kuptoj.”
Sipas ministres gjermane, disa gjëra mund t’i kuptosh vetëm nëse i sheh me sytë e tu. Kur shihni, shtoi ajo, se si kopshtet e fëmijëve në Ukrainë janë nën sulm, se si fëmijët dhe të rinjtë po deportohen në Rusi.
“Pyes veten – ku është Papa? Papa duhet të dijë për këtë,” shtoi Baerbock.
Duhet guxim, tha ajo, për të qenë në anën e njerëzve në Ukrainë dhe për të bërë gjithçka që ata të mund të mbrohen.
Nëse do të kishte një mundësi minimale që regjimi rus të tregonte gatishmëri për të biseduar, “e gjithë bota do ta pranonte dhe do të fliste. Fatkeqësisht, ne shohim krejt të kundërtën”.
Papa u kritikua edhe nga krerët e Unionit Demokristian (CDU/CSU), blloku kryesor i opozitës në Gjermani.
“Asgjë nuk do të zgjidhet në Ukrainë duke valëvitur flamuj të bardhë, përkundrazi”, tha kryeministri i shtetit të Hessenit, Boris Rhein, në një takim të Demokristianëve në Berlin të hënën.
Rhein, siç tha për veten e tij, është një katolik i devotshëm, por e ka të vështirë të kuptojë se çfarë donte të thoshte Papa. “Unë i shoh gjërat krejtësisht ndryshe”.
“Duhet të jetë e qartë për të gjithë se një fitore e Putinit në Ukrainë do të minonte tmerrësisht” rendin liberal në Evropë. “Asgjë nuk do të përmirësohet nëse Putini fiton atje, gjithçka do të përkeqësohet,” përfundoi Rhein.
Zyrtari i CSU-së, Alexander Dobrindt, tha se e ka të vështirë të kuptojë apelin e Papës dhe se ai qëndron për të drejtën e Ukrainës për vetëmbrojtje, shkruan DPA. /tesheshi.com/
