Për herë të parë në 4 vjet qeverisjeje, policia shqiptare nën qeverisjen e Rilindjes është mundur nga shifrat dhe statistikat, arma më e fortë e saj përballë akuzave si të opozitës por dhe të opinionit, kur është fjala dhe për krimin ordiner dhe për drogën. Në analizën vjetore të Policisë së Tiranës është evidentuar e dhëna se gjatë vitit 2016 janë shënuar 191 vepra penale më shumë se në 2015-ën.
“Statistikat flasin se janë evidentuar 640 vepra penale, me 293 të arrestuar/ndaluar, ose 191 më shumë se viti i kaluar. Në shumë raste janë shmangur ngjarje të rënda brënda familjes te cilat janë bërë prezent edhe në media. Duhet të vendosim objektiva konkrete për të luftuar këtë plagë të shoqërisë, duke përfshirë disa struktura bazike të policise si struktura e policimit në komunitet, seksionet e dhunës ne familje apo psikologu. Polici në komunitet apo sicë quhet ndryshe SPZ-ja, ka qënë hallka kryesore ne evidentimin dhe trajtimin e rasteve, por megjithatë, duke parë shifrat puna është akoma e pamjaftueshme dhe kërkon një ridimesionim të këtij shërbimi”, tha Drejtori i Policisë së Tiranës, Ervin Hodaj.
Kështu, kemi një përputhje të perceptimit publik dhe shifrave, të cilat tregojnë rritje të kriminalitetit në shoqërinë shqiptare. /tesheshi.com/
