Prokuroria e Krimeve të Rënda ka vënë dorë në pasurinë e ish-shefit të saj deri para 7 muajsh, Adriatik Llalla. Pra, ka vënë në sekuestro në funksion të hetimeve një pasuri që vlerësohet në shumën 98.772.000 lekë.
“Si rezultat i veprimeve hetimore të kryera, janë krijuar dyshime të arsyeshme se disa pasuri të paluajtshme në zotërim të shtetasit Adriatik Llalla përbëjnë produkt të veprës penale”, thuhet në njoftimin e Prokurorisë.
Por cilat janë ato pasuri? Ja lista:
-Apartament banimi, me sipërfaqe 67.2 m², ndodhur në Durrës;
-Tokë arë, me sipërfaqe 4.500 m², ndodhur në Tiranë;
-Tokë arë, me sipërfaqe 12.300 m², ndodhur në Tiranë;
-Tokë arë, me sipërfaqe 3000 m², ndodhur në Tiranë;
-Tokë arë, me sipërfaqe 2250 m², ndodhur në Tiranë.
Prej kohësh, ish-kryeprokurori Llalla është zhvendosur në Turqi, ndërkohë që është vetëpërjashtuar nga sistemi i drejtësisë, duke iu shmangur kështu vettingut. /tesheshi.com/
