“Më jep një akullore me shije pice?” mund të duket një pyetje e çuditshme, por në fakt nuk është aspak e tillë. Në Napoli, i cili është atdheu i picës, ka lindur ‘akullorja me picë napoletane’.
Ideja ka qenë e dy familjeve historike të pregatitjes së ushqimit, Gino Sorbillo e Casa Infante, të cilët kanë vendosur të çojnë në ëmbëltoren ku bëhen akulloret, simbolin gastronomik të qytetit të tyre.
Përbërësit janë me të vërtetë të çuditshëm dhe tërësisht të ndryshëm nga ato që kemi parë deri më tani. Risia e verës vjen me akulloren me mocarela të Vico Equense, me konfeta të Pomodoro San Marzano Dop, picë të gatuar me dru dhe pluhur borziloku.
Është një produkt që mund të shndërrohet në një nga pjatat më të preferuara dhe më të shitura në Itali, e ndoshta në të gjithë botën. Ndoshta, me kalimin e kohës, akullorja me picë mund të fitojë një vend pranë simbolit gastronomik të Napolit. /tesheshi.com/
