Turistët myslimanë, prej kohësh janë shndërruar në personat që vizitojnë më së shumti shtetin italian. Ata vijnë nga Gjiri Arab, nga India, nga jug lindja aziatike, nga Azia Qendrore dhe vizitojnë Italinë, e cila është mjaft e pëlqyer nga këta turistë.
Siç ishte thënë edhe më parë, ishte vetëm çështje kohe që hotelet dhe operatorët e turizmit të përshtateshin ndaj kërkesave të këtyre vizitorëve dhe të krijonin shërbime duke u bazuar tek këto kërkesa.
Siç raporton “Il Gazzettino”, shoqëria veneciane e hoteleve ka lajmëruar se ka firmosur një ujdi me ‘Hahal Italia’ për krijimin e një rrjeti hotelesh të çertifikuara për të pritur turistët myslimanë konform mënyrave të tyre të të jetuarit dhe stilit të jetës së këtyre besimtarëve.
Konkretisht, do të krijohen hotele me dhoma ku të ketë tapete për t`u realizuar lutjet, pa pije alkoolike në frigorifer dhe ushqime sipas kërkesave të tyre. “Venecia ka qenë përherë një urë lidhëse me lindjen dhe Islamin. Myslimanët që e vizitojnë dallojnë menjëherë afërsinë me artin dhe arkitekturën e tyre”,- shpjegon imami Yahya Pallavicini.
Edhe ndërtuesit e hotelit, nga ana e tyre duken mjaft të kënaqur me marrëveshjen e arritur. “Hotelierët venecianë dhe Venecia janë të hapur dhe respektojnë kulturat e tjera. Për myslimanët ekziston një kod i vërtetë i sjelljes, i cili duhet të ndiqet edhe kur ata janë larg shtëpisë. Për ne është një nder që të mund të ofrojmë shërbime të tilla”,- ka shtuar ai. /tesheshi.com/
