Bota në të cilën jetojmë po bëhet gjithmonë e më e rrezikshme: atentate terroriste, rrëmbime, goditje me armë dhe atentate kriminale gjithmonë e më shumë po rrezikojnë ekzistencën tonë e afrohen në dyert e shtëpive tona.
Kështu, një agjenci dekorimi skoceze ka vendosur të krijojë një seri të re mobiliesh krejtësisht të ndryshme: divane dhe poltrona me material antiplumbi. Këto produkte mund të jenë me të vërtetë shumë të nevojshme dhe të dobishme, veçanërisht nëse marrim parasysh vendet publike, hotelet apo restorantet.
Themeluesi, Darren Osdin ka deklaruar se “Sulmet e papritura dhe të armatosura janë gjithmonë e më të shpeshta dhe një divan i tillë mund të ndihmojë në shpëtimin e shumë jetëve në situata rreziku”.
Divanet dhe poltronet janë të mbuluara me lëkurë të cilësisë së lartë dhe janë pajisur me panele për ti rezistuar goditjeve të kalibrave të ndryshme, përfshirë edhe qëllimet me një AK-47. Do të jetë i sigurt por edhe shumë i kushtueshëm: një divan i tillë do të ketë çmimin rreth 6 mijë euro. /tesheshi.com/
