Banorë të Liverpool-it u shokuan kur trupi i një “përbindëshi deti” gati pesë metra i gjatë u shfaq në një plazh në Merseyside.
Disa ishin të sigurt se ishte një vigan, një tjetër që ishte një balenë, një e treti e përshkroi duke thënë se “dukej si një balenë që kishte gëlltitur një kalë dhe një delfin”.
Ata pohojnë se është diçka me lesh dhe fin, dhe duket se pranë saj ka një krijesë edhe më të vogël, ndoshta e lidhur me një kordon kërthizor, kështu që duket se “përbindëshi” vdiq ndërsa lindte i ri.
Një grua, e cila filmoi krijesën e çuditshme, shkroi:
“Supozimi im i parë është se është një lloj balene. Disa njerëz mendojnë se është një lopë apo një kalë. Në fakt, unë nuk kam ide se çfarë është, por teoria ime e preferuar është se është disi e huaj.”
Organizata Natural England, e cila menaxhon dunat me rërë Ainsdale, së cilës i takon plazhi, tha që, tani për tani, njëra nga teoritë e mësipërme duket të jetë e saktë.
Stephen Ayliffe, një nga drejtuesit e organizatës, tha:
“Ne nuk kemi përfunduar ende identifikimin, por kontrollet e deritanishme sugjerojnë se është një balenë.” /tesheshi.com/
