Në të parën herë që është shprehur në lidhje me murin në Urën e Ibrit, kreu i Komunës së Mitrovicës në veri, Goran Rakiq jua ka lënë autorësinë shqiptarëve.
“Muri është përdorur për qëllime politike të politikanëve shqiptarë të cilët dëshirojnë të devijojnë vëmendjen e publikut nga angazhimet e papërmbushura mbi formimin e komunave serbe”, ka thënë Rakiq.
Pra, zyrtari serb ka gjetur një formë për t’ju shmangur autorësisë konkrete të murit, duke e komentuar atë vetëm politikisht.
Muri serb është sfida e re e qytetit të ndarë, pas Urës e cila prej 16 vitesh mbahet e bllokuar nga serbët.
Ngritja e murit nisi që pas nisjes së punimeve për rikonstruksionin e Urës, e cila paralajmëronte hapjen e saj për kalimin e banorëve nga të dyja anët e qytetit të ndarë. /tesheshi.com/
