Drejtori i Përgjithshëm i Organizatës Botërore të Shëndetit (OBSH) Tedros Adhanom Ghebreyesus paralajmëroi të mërkurën se ndërsa epidemia e virusit koronar në vendet e Evropës Perëndimore është “në dukje e qëndrueshme ose në rënie”, ka ende tendenca rritëse shqetësuese në Afrikë, Qendrore dhe Amerikën e Jugut dhe Evropën Lindore.
“Mos bëni gabim, ne kemi një rrugë të gjatë. Ky virus do të jetë me ne për një kohë të gjatë,” tha ai, duke shtuar se është e kuptueshme që njerëzit janë të irrituar nga nevoja për të qëndruar në shtëpitë e tyre, por që bota nuk mund të kthehet në atë që siç ishte para pandemisë.
“Bota e re duhet të jetë më e shëndetshme, më e sigurt dhe më e përgatitur”, tha Ghebreyesus.
Një ditë më parë, Drejtori i Përgjithshëm i OBSH paralajmëroi se “më e keqja ishte përpara”, raportoi AP.
“Na besoni – më e keqja akoma s’kaardhur. Le ta parandalojmë këtë tragjedi. Eshtë një virus që shumë nuk e kuptojnë ende,” paralajmëroi Ghebreyesus në një kohë kur shumë vende kanë filluar të lehtësojnë masat kufizuese.
Ghebreyesus e krahasoi pandeminë e koronavirusit me “gripin spanjol” të pas Luftës së Parë Botërore.
“Ka një kombinim shumë të rrezikshëm dhe kjo po ndodh përsëri për herë të parë pas 100 vitesh, si ethet spanille në 1918 që vranë 100 milion njerëz. Por tani ne kemi teknologjinë, ne mund ta parandalojmë këtë katastrofë, ne mund të parandalojmë atë lloj krize”, tha kreu i OBSH. /tesheshi.com/
