Ditën e djeshme, Kryetarja e KQZ, Lefterije Luzi ka takuar komunitetin maqedonas në bashkinë e Pustecit.
Takimi u zhvillua në kuadër të kontakteve dhe aktiviteteve të drejtpërdrejta që Kryetarja e KQZ-së, po zhvillon në zonat e populluara me shumicë nga pakicat kombëtare, projekte të miratuara në Strategjinë e Edukimit Zgjedhor për zgjedhjet vendore të 21 Qershorit.
Kryetarja e KQZ-së, Lefterije Luzi, theksoi rëndësinë e informimit për minoritetet dhe se përmes këtyre takimeve sensiblizuese, synohet përfshirja e pakicave kombëtare në proceset politiko–shoqërore, në vendin ku ata jetojnë.
Zonja Luzi tha se, “KQZ po punon që edhe ju të ndiheni të barabartë në këtë proces zgjedhor dhe që të keni të gjithë informacionin e nevojshëm edhe në gjuhën tuaj, në mënyrë që ju në 21 Qershor të shkoni të votoni dhe të zgjidhni atë që ju mendoni se ju përfaqëson në 4 vitet e ardhshme”.
Takimet e drejtpërdrejta me zgjedhës të pakicave kombëtare kanë për qëllim informimin dhe sensibilizimin e këtyre komuniteteve mbi procesin e votimit, nëpërmjet fletpalosjeve me informacionin e nevojshëm zgjedhor në gjuhët respektive./tesheshi.com/
