Ndërsa ka përfunduar mbledhja e Eurogrupit për Greqinë në Bruksel, Jeroen Dijsselbloem, kreu i Eurogrupit e cilësoi si një padrejtësi që populli helen të çohet drejt referendumit.
Dijsselbloem deklaroi se nëse grekët pranojnë referendumin, do jetë e vështirë që të zbatohet programi për shtetin helen, i cili mbaron ditën e martë dhe shtoi se situata do të përkeqësohet me shpejtësi.
“Pyetje e vështirë të pyesësh grekët. Është e padrejtë të çohet populli në referendum. Nëse ata thonë ‘po’, vështirë që të zbatohet programi i cili mbaron ditën e martë. Ne jemi të angazhuar që të miratojmë kredibilitetin e Eurozonës”,- tha Jeroen Dijsselbloem.
Në vijim të fjalës së tij në një dalje për mediat, ai bëri me dije se kjo mbledhje do të vazhdojë pa prezencën e përfaqësuesve grek. /tesheshi.com/
