Ministri i Jashtëm francez Jean-Yves Le Drian tha se Evropa nuk mund të pranojë që ikja e Britanisë së Madhe nga BE – Brexit – ta tërheqë atë në një vorbull.
“Ende me britanikët po kërkojmë zgjidhjen më të mirë, por nuk mund të pranojmë që Brexit ta tërheqë të gjithë Bashkimin Evropian në vorbullën e vet”, tha Le Drian në konferencën vjetore të Unionit, organizuar në Firence.
Ministri francez ka shtuar se ky nuk është miratimi i ndonjë “qëndrimi kriminal” ndaj Mbretërisë e Bashkuar, por është përgjegjësi e BE-së për të vepruar në këtë mënyrë, me qëllim që të mos dëmtohen aftësitë e Unionit për të marrë vendime.
Sipas tij, populli britanik po ndihet keq “pas gënjeshtrave dhe premtimeve të rreme”, pasigurisë dhe frikës për të ardhmen, dhe Londra duhet të jetë përgjegjëse për “vendimin e dhimbshëm” të saj.
Le Drian tha se populizmi në rritje në Evropë duhet të kuptohet si një simptomë e dobësive të thella dhe hendekut midis institucioneve dhe qytetarëve, duke krijuar pabarazi në shoqëri.
“Kërcënimet e terrorizmit, një luftë të mundshme tregtare, ndryshimet klimatike dhe shqetësimi në lidhje me zhvillimin e dixhitalizimit, janë elemente të një shqetësimi global. Ne duam të ballafaqohemi me këto sfida”, tha ministri francez. /tesheshi.com/
