Drejtori i Inteligjencës Qendrore të SHBA, William Burns ishte në Turqi të hënën për të folur me homologun e tij rus dhe për të paralajmëruar Moskën për pasojat e përdorimit të çdo lloj arme bërthamore në Ukrainë, sipas disa raporteve që citojnë një zyrtar të paidentifikuar të Shtëpisë së Bardhë.
Reuters raportoi se një zyrtar i Shtëpisë së Bardhë tha se Burns, ish-ambasadori amerikan në Rusi, nuk kishte marrë pjesë në negociatat e asnjë lloji me kreun e shërbimit të inteligjencës SVR të Rusisë, Sergey Naryshkin.
Ukraina u njoftua paraprakisht për udhëtimin e Burns në Turqi, tha zyrtari.
Ai nuk dha asnjë detaj tjetër në lidhje me kohën e takimit të Burns dhe nuk ishte menjëherë e qartë nëse bisedimet tashmë kishin përfunduar.
Agjencia shtetërore e Turqisë, Anadolu, raportoi gjithashtu për takimin, duke cituar burime të paidentifikuara të inteligjencës, të cilët thanë se takimi ishte organizuar nga zyrtarë të inteligjencës turke. /tesheshi.com/
