Drejtori i Agjencisë Qendrore të Inteligjencës Amerikane (CIA) Bill Burns bëri një vizitë të paparalajmëruar në Arabinë Saudite, duke shprehur zhgënjimin e Uashingtonit për afrimin e fundit të Riadit me Iranin, raporton Anadolia.
Sipas një raporti të Wall Street Journal, Burns i tha princit saudit të kurorës Mohammed bin Salman se SHBA-të ishin të shqetësuar nga afrimi i Riadit me Iranin dhe Sirinë, rivalët globalë të Uashingtonit.
Duke cituar burime të paidentifikuara, WSJ raporton se Burns diskutoi bashkëpunimin e inteligjencës dhe luftën kundër terrorizmit me zyrtarët sauditë.
Kujtojmë se Pekini priti zyrtarë nga rivalët e vjetër rajonalë Riadi dhe Teherani muajin e kaluar, ku ata ranë dakord të rivendosin marrëdhëniet diplomatike.
Irani dhe Arabia Saudite ndërprenë marrëdhëniet në vitin 2016 pas protestave të dhunshme jashtë ambasadës saudite në Teheran, pasi ekzekutimit të një kleriku shiit në Arabinë Saudite.
Ministrat e Jashtëm të Arabisë Saudite dhe Iranit u takuan në Kinë të enjten, takimi i tyre i parë në më shumë se shtatë vjet. /tesheshi.com/
