Kremlini ka mohuar implikimin e Rusisë në reklamat në rrjetin social Facebook, që ishin postuar gjatë zgjedhjeve presidenciale të Shteteve të Bashkuar, në vitin 2016.
“Ne nuk dimë se kush i vendos reklamat në Facebook dhe pse”, ka thënë zëdhënësi i presidentit rus, Vladimir Putin, Dmitry Peskov, duke shtuar se “kurrë s´kemi bërë një gjë të tillë dhe Rusia nuk ka të bëjë asgjë me këto reklama”.
Presidenti i SHBA-së, Donald Trump i ka quajtur raportimet lidhur me reklamat ruse “ shaka”, ku ka shkruar në Twitter se “ Shakatë e Rusisë vazhdojnë, tani me reklama në Facebook”.
Zyrtarët e rrjetit social Facebook, thonë se planifikojnë të dorëzojnë tek hetuesit e Kongresit të Shteteve të Bashkuara, 3000 reklama që kanë lidhje me Rusinë, të cilat qarkulluan disa muaj para dhe pas zgjedhjeve në SHBA. /tesheshi.com/
