Asnjë komisioner i partive politike nuk është paraqitur në qendrat e votimit për të tërhequr materialet zgjedhore dhe për këtë arsye zgjedhjet në Kavajë nuk mund të zhvillohen. Ky është argumenti që ka përdorur Komisioni Qendror i Zgjedhjeve për të justifkuar mosmbajtjen e zgjedhjeve në Kavajë, ku partitë politike tërhoqën kandidatët vetëm dy ditë përpara procesit.
Hapi i radhës i mbetet presidentit që duhet të dekretojë një datë të re, pas konstatitimit nga Komisioni Qëndror i Zgjedhjeve për pamundësinë e zhvillimit të proçesit, nëse qendrat e votimit qëndrojnë më shumë se 5 orë të mbyllura.
Pasi i dha drejtim argumentimit ligjor për zgjedhjet në Kavajë, KQZ ka miratuar listat shumëemërore të partive politike për zgjedhjet e 18 qershorit, ku anëtarët e opozitës kërkuan më shumë kohë për të verifikuar kandidatët.
Kjo u konsiderua si tentativë për shtyrje artificiale të kohës nga përfaqësuesi i Partisë Socialiste në KQZ, Eridian Salianji, i cili tha se këto verifikime i kishte bërë njëherë administrata e KQZ.
Mbledhja vazhdoi me miratimin e të gjithë listave të partive politike, ku 27 kandidatë kanë patur dënime të mëparshme por që nuk ndaloheshin nga nenet përkatëse të ligjit të dekriminalizimit për të kandiduar.
Mes këture kandidatëve ishin edhe Spartak Braho në listën e Partisë Socialiste të Tiranës dhe Andan Ramohitaj në listën e socialistëve të Durrësit.
Gjithsej për zgjedhjet e 18 qershorit janë regjistruar 15 parti politike. Afati i fundit për miratimin e fletës së votimit, është data 9 maj. /tesheshi.com/
