Greqia mbështet anëtarësimin e Bosnjes në NATO dhe në Bashkimin Europian, tha ministri i Jashtëm grek, Nikos Kotzias gjatë vizitës që zhvilloi në këtë vend. Gjatë një konference të përbashkët me homologun boshnjak, Igor Crnadak në Sarajevë, Kotzias siguroi se Greqia do të bëjë gjithcka që mundet për ta ndihmuar Bosnjen të përmbushë aspiratat e saj.
“Endërroj për ditën kur ne do t’ju themi mirëseerdhët, por deri atëherë ka shumë punë për të bërë”, tha Kotzias.
Bosnje-Hercegovina ka nisur bisedimet me NATO-n për anëtarësim që në vitin 2008 dhe ka kontribuar në misionet e Aleancës në Afganistan që prej vitit 2009.
Bosnja ka regjim të liberalizuar të vizave në zonën Shengen dhe ka nënshkruar marrëveshjen e Syabilizim-Asociimit me BE-në. /tesheshi/
