Paradoksal e ka cilësuar ministri i Jashtëm grek, Nikos Kotzias, raportin mes vendit të tij dhe Shqipërisë. Dhe sipas tij kjo vjen nga Shqipëria, pasi shqiptarët e duan Greqinë, megjithëse nuk rrinë dot pa sharë këtë vend.
“Jetojmë në paradoksin që zgjohemi në mëngjes me muzikë greke për të shkuar me energji në punë dhe më pas na shajnë. Pastaj dalin për kafe dhe hanë një sufllaqe greke dhe në fund të ditës përsëri flasin keq për ne. Ekziston një paradoks”, tha Kotzias.
Kjo nuk është hera e parë që kreu i diplomacisë greke shprehet në këtë mënyrë. Në javët e fundit pala greke ka ngritur tonet ndaj Shqipërisë, veçanërisht pas aksionit të prishjes së disa ndërtimeve në zonën e Himarës. Greqia ka deklaruar se rruga e integrimit të Shqipërisë në BE është e lidhur me respektimin e të drejtave të minoriteteve. /tesheshi.com/
