Gjykata Themelore e Pejës ka nisur procesin kundër 14 serbëve nga Klina, të cilët akuzohen për krime lufte të kryer në vitin 1999.
Radio serbe në Mitrovicën e veriut, Kontakt Plus, thekson se krimet janë kryer në rajonin e Pejës.
Siç mësohet, serbët e akuzuar janë sjellë në Kosovë nga ana e Prokurorisë Specale për Krime Lufte të Serbisë e cila po bashkëpunon edhe me EULEX-in.
Avokati Ljubomir Pantoviç tha për Tanjug, se akuzat janë ngritur dhe hetuar pikërisht nga Prokuroria Speciale serbe.
Pantoviç tha se gjykata kualifikoi si krime lufte akte që përfshihen në nenin 152 të Kodit Penal të Kosovës.
“Krimet e Luftës mund të kryhen vetëm gjatë kohës së luftës dhe mund të zbatohet vetëm Kodi Penal Ushtarak i Ushtrisë Federale Jugosllave dhe jo Kodi Penal i Kosovës. E njëjta gjë u bë edhe me grupin e Gjakovës ku u akuzuan 15 serbë”, tha ai. /tesheshi.com/
