Oficeri i Forcës së Sigurisë së Kosovës, Xhevahir Hasanaj, ka marrë çmimin si “Kadeti më i mirë i huaj” në fushën ushtarake, akademike dhe praktike.
Çmimin oficerit të FSK-së ia ka ndarë kryeministrja britanike, Theresa May.
Kjo ndodhi në ceremoninë ushtarake “Parada e Sovranit në Londër”, ku diplomuan Hasanaj dhe kadeti tjetër Arlind Bajrami. Ata i përkasin Akademisë Ushtarake Mbretërore Sandhurs në Britani të Madhe.
Dy kadetët kanë marrë urime nga presidenti Thaçi.
“Suksesi ndërkombëtar i FSK-së, dëshmon se Kosova është gati për themelimin ushtrisë se vet multietnike, e cila do të mbrojë integritetin territorial të vendit tonë dhe do t’i kontribuojë paqes globale me pjesëmarrjen e saj në misione paqeruajtëse”, ka shkruar Thaçi në Facebook, duke uruar për diplomimin e dy oficerëve. /tesheshi.com/
