Kosova voton sot në një palë zgjedhje të parakohshme, diktuar nga një dorëheqje e kryeministrit Haradinaj. Ky i fundit kandidon sërish për të qenë në krye të qeverisë. Dorëheqjen e dha për shkak të një ftesë për dëshmi në Hagë, te Specialja e krijuar për krime të mundshme nga ana e UÇK-së.
Krahas tij rivalizojnë për kryeministrër dhe Kadri Veseli nga PDK, Vjosa Osmani nga LDK, Albin Kurti nga VV dhe Fatmir Limaj nga NISMA.
Koalicionet e mëdha, siç qe ai PAN, nuk u bënë të mundura. E ky është rasti ku secila forcë do masë forcat e vetme përballë votës.
Ambasadori amerikan Filip Kosnet, që në nisje të ditës, përcolli thirrjen për të votuar masivisht.
“Mirëmëngjesi votuesve të Kosovës. Dita e sotme është ditë për të dalë dhe votuar. Vota juaj ka rëndësi-votoni për veten tuaj, për vendin tuaj dhe për të ardhmen tuaj.
Në Kosovë si në Amerikë, çdo votë numërohet. Çdo zë ka rëndësi. Cilado qoftë pikëpamjet tuaja, këdo që të mbështesni – më 6 tetor, dilni dhe votoni. Për veten, për vendin tënd, për të ardhmen tuaj”, tha kryediplomati amerikan në Prishtinë. /tesheshi.com/
