Përfshirja e Kosovës në dy organizmat më të larta të futbollit botëror, por dhe rrëthana të tjera, siç janë mosaktivizimet më përfaqsuesen e De Biazit, kanë bërë që dy lojtarët nga Kosova, Milot Rashica dhe Alban Meha, të preferojnë më mirë fanelën e “Kosovës amë”, se sa atë të Shqipërisë, gjithashtu “amë”. Rashica e ka bërë me dije transferimin e tij brendashqiptar nëpërmjet nëj statusi në FB:
Përshëndetje!
Mbasi para disa ditëve informova presidentin e FSHF-së siç edhe trajnerin e kombëtares, dua të ju vëj në dijeni për vendimin që kam marr, për të luajtur në të ardhmen me përfaqësuesen e Kosovës.
Nuk e kisha të lehtë për të vendosur. Pasi një kohë të gjatë kam luajtur me grupmoshat e Shqipërisë si edhe me Kombëtaren, e cila ka përfaqësuar të gjithë Shqiptarët – brenda dhe jashtë trojeve. Ky vendim nuk është një vendim kundër Shqipërisë. Më tepër është një zgjedhje për Kosovën, mbasi unë aty kam lindur dhe jam rritur. Ky vendim me siguri nuk do të ju pëlqej të gjithëve. Shpresoj që të ketë një mirëkuptim nga ana e tifozëve dhe drejtuesve të FSHF-së.
Dëshira ime personale do ishte që një ditë të kishim një kombëtare të përbashkët dhe unë të isha pjesë e sajë. Për arritjen e kësaj ëndrre duhet të punojmë të gjithë shqiptarët së bashku.
Ju falenderoj të gjithë tifozëve shqiptar për mbështetjen! Jam krenar që pata mundësin për të luajtur me ngjyrat kuq e zi.
Ndërsa Meha, ndryshe nga Rrashica, ka preferuar vetëm të publikojë një foto me fanellën kosovare.
Këto janë rrjedhjet e para të kombëtares shqiptare përplot kosovare. /tesheshi.com/
