Kosova ka dalë të jetë shteti më i suksesshëm në turneun e xhudos që është mbyllur sot në Antalya të Turqisë.
Me gjashtë garues, Kosova arriti të sigurojë tri medalje të arta dhe një të argjendtë, duke kaluar edhe shtete që kishin edhe 26 garues, siç ishte rasti i Rusisë.
Pas dy medaljave të arta të fituara të shtunën nga xhudistet Distria Krasniqi e Nora Gjakova, një të tillë e ka fituar sot edhe Loriana Kuka, mbesa e trajnerit Driton Kuka.
Ndërsa Fjolla Kelmendi, të shtunën fitoi të argjendtën në kategorinë e vet, kurse Akil Gjakova mbylli garën në pozitën e shtatë. /tesheshi.com/
