Ish-zv/Presidenti Joe Biden dhe senatori i Vermont-it Bernie Sanders, kandidatët demokratë për rivalë të Donald Trump në zgjedhjet e nëntorit, u përpoqën të paraqiteshin gjatë debatit në Uashington si më të denjë për të udhëhequr kombin në kushtet e një pandemie, siç është kjo aktualja e koronavirusit.
Në vend të Phoenix, siç ishte planifikuar fillimisht, debati u mbajt në një studio në Uashington pa një audiencë, duke treguar sesi pandemia e virusit ndikoi dhe në fushatë.
Ajo qe temë mbizotëruese e debatit, me Biden dhe Sanders që kërkonin nga Trump përgjigjen e tij ndaj pandemisë.
Receta e Biden dhe Sanders për t’u marrë me krizën e shëndetit publik, por edhe krizën ekonomike, theksoi më tej ndryshimet ideologjike midis dy politikanëve që luftojnë për nominimin demokratik.
Biden ndau përvojën e tij në administratën e Barack Obama kur ai u përball me epideminë e Ebola-s në 2014.
Sipas planit të tij, testimi do të ishte falas dhe në masë të gjerë, do të krijonte laboratorë të lëvizshëm në secilin shtet dhe do të ndihmonte bizneset e vogla të dëmtuara nga kriza ekonomike.
Ai tha se ishte i gatshëm t’i thërriste dhe ushtrinë në ndihmë të zyrtarëve lokalë për ndërtimin e spitalevetë reja, si dhe të ndërmarrë hapa të tjerë të nevojshëm për të ringritjen e vendit.
“Kjo është si lufta … Në luftë, ju bëni gjithçka që duhet të bëni për t’u kujdesur për njerëzit tuaj”, tha Biden.
Ndërsa Sanders e përdori krizën për të ri-ofruar planin e tij të gjatë për të ndërmarrë një reformë gjithëpërfshirëse të sistemit të kujdesit shëndetësor.
“Pandemia e korona virusit zbulon dobësinë dhe mosfunksionimin e jashtëzakonshëm të sistemit tonë aktual shëndetësor,” tha Sanders.
Debati u mbajt përpara zgjedhjeve parësore të së martës në Illinois, Ohio, Arizona dhe Florida. /tesheshi.com/
