Deputeti iranian Mahmud Sadiki pohoi se është i infektuar me koronavirus.
Ai u bëri thirrje autoriteteve iraniane që të lirojnë të burgosurit politikë në mënyrë që të parandalojnë përhapjen e virusit në mesin e të burgosurve iranianë.
Zëvendësministri iranian i shëndetësisë Iraj Harirchi gjithashtu është infektuar nga virusi.
Në një mesazh në mediat sociale, Harirchi konfirmoi se doli pozitiv pas testimit.
“Për shkak të temperaturës së lartë, unë u karantinova dje dhe u testova. Pak minuta më parë mora rezultatet. Jam infektuar”, tha Harirchi në mesazh.
Ministria iraniane e shëndetësisë njoftoi sot se 95 njerëz janë infektuar me virusin në vend dhe të paktën 15 kanë vdekur si pasojë e infeksionit. /tesheshi.com/
