Komiteti i Çështjeve Publike amerikano-izraelite AIPAC ka njoftuar se dy persona që morën pjesë në konferencën e organizatës në Uashington janë infektuar me koronavirus.
Konferenca, e cila u zhvillua nga 1 deri në 3 mars, mblodhi rreth 20,000 pjesëmarrës dhe prezent në të ka qenë dhe presidenti serb Aleksandar Vuçiç.
“Ne konfirmojmë se të paktën dy pjesëmarrës kishin rezultate pozitive në testin e koronavirusit. Ekspertët me të cilët u konsultuam këshilluan që të gjithë pjesëmarrësit e konferencës të ndjekin protokollin dhe të kontaktojnë institucionet e tyre të kujdesit shëndetësor nëse ndjejnë që kanë ndonjë shqetësim shëndetësor,” postoi AIPAC në llogarinë e tij në Twitter.
Vuçiç qëndroi në Uashington dy ditë dhe mori pjesë në konferencën AIPAC-ut, aty ku u takua me zyrtarë amerikanë – Sekretarin e Shtetit Mike Pompeo, të dërguarin special të Ballkanit Perëndimor Matthew Palmer, Zëvendës Sekretarin e Mbrojtjes David Norquist, të daërguarin për Dialogun Richard Grenel, dhe gjithashtu me Hashim Thaçin. /tesheshi.com/
