Një zyrtare e lartë koreano-veriore ka hedhur poshtë komentet e zëvendës-presidentit amerikan, Mike Pence si “budallallëqe”, duke shtuar pasigurinë në lidhje me takimin e planifikuar të liderëve të dy vendeve.
Choe Son-hui tha se Koreja e Veriut nuk do të “lutet” për dialog dhe paralajmëroi për një “hapje kartash bërthamore” nëse diplomacia dështon.
Në ditët e fundit, të dyja palët kanë thënë se takimi i 12 qershorit midis Trump dhe Kim mund të ketë vonesa ose madje, edhe të anulohet. Koreja e Veriut këmbëngul se nuk do të heqë dorë nga armët bërthamore në mënyrë të njëanshme.
Choe Son-hui ka qenë e përfshirë në ndërveprime diplomatike me Shtetet e Bashkuara përgjatë dekadës së fundit. Ajo është një nga ndihmëset më të afërta të Kim Jong-n dhe analistët thonë se deklarata e saj do të jetë lejuar nga vetë lideri.
Kjo situatë vjen disa ditë pasi Pence paralajmëroi se Koreja e Veriut “mund të përfundojë si Libia” – ku ish-lideri i vendit, Gedafi u vra nga rebelët në vitin 2011, pasi kishte hequr dorë nga armët bërthamore, tetë vjet më herët. /tesheshi.com/
