Koreja e Veriut, e cila pretendon se nuk ka konfirmuar ende asnjë rast me COVID-19, tha se vazhdon të testojë qytetarët për koronavirus, dhe më shumë se 500 njerëz janë karantinuar, tha Organizata Botërore e Shëndetit.
OBSH, e cila thotë se merr “lajme javore” nga Ministria e Shëndetësisë e Koresë së Veriut, tha se vendi ka lehtësira testimi në një laborator kombëtar referimi në Pyongyang.
“Që nga 2 prilli, janë testuar 709 persona, 11 të huaj dhe 698 shtetas të Koresë së Veriut. Nuk ka raste të konfirmuara të infektuarish. Janë 509 persona të karantinuar, dy prej të cilëve janë të huaj”, u përgjigj Edvin Salvador, përfaqësuesi i OBSH-së në Korenw e Veriut.
“Deri në 31 dhjetor, 24.842 njerëz, përfshirë 380 të huaj, janë liruar nga karantina,” shtoi ai.
OBSH u informua se Koreja e Veriut kishte marrë pajisjet e nevojshme për teste diagnostikuese nga Kina në janar, dhe OBSH i kishte dërguar asaj furnizime me pajisje mbrojtëse.
Në faqen zyrtare të Institutit John Hopkins thuhet se një total prej më shumë se 1.43 milion njerëz në të gjithë botën janë infektuar dhe më shumë se 82,000 kanë vdekur në 184 vende dhe territore. Ndër të tjera nuk ka raste të konfirmuara në Korenë e Veriut, Lesoto, Taxhikistan, Turkmenistan dhe Jemen.
Sidoqoftë, disa ekspertë të huaj dyshojnë se Koreja e Veriut, e cila kufizohet me Kinën dhe Korenë e Jugut, vendet e goditur fort nga epidemia, nuk ka zbuluar ndonjë infeksion.
Një ekspert i OKB-së për të drejtat e njeriut ka bërë thirrje për heqjen e sanksioneve ndërkombëtare mbi vendet, përfshirë Korenë e Veriut, për të siguruar që furnizimet ushqimore të dërgohen për popullatat e uritur gjatë kwsaj pandemie. Sanksionet e Koresë së Veriut janë vendosur për programet bërthamore dhe balistike. /tesheshi.com/
