“Jerusalem Post” i ka kushtuar një speciale faktit që kongresmeni Eliot Engel do jetë në një pullë psotare të Kosovës. Po pse ndodh kjo? Gazeta e njohur shpjegon arsyet se përse shqiptarët e Kosovës e ndërojnë politikanin e njohur amerikan, duke e lidhur këtë dhe me kontributin e tyre përgjatë Luftës së Dytë Botërore, me mbrojtjen që u bënë hebrenjve…
Eliot Engel është bërë kongresisti i parë i SHBA që do të paraqitet në një pullë postare në Kosovë.
Engel ishte në mesin e një kuadri ligjvënësish dhe figurave publike të SHBA, të cilët i kërkuan administratës së Klintonit të ndërhynte gjatë luftës në Kosovë në vitin 1999, për të evituar atë që shumë prej tyre kishin frikë se do të ishte gjenocid i shqiptarëve etnikë të Kosovës në duart e kasapit Slobodan Millosheviç. Figurat e njëjta ishin pjesë e shtytjes për të njohur shtetin e Ballkanit, kur shpalli pavarësinë në vitin 2008.
Ndër ata që kishin ndërmarrë përpjekje për të mbrojtur Kosovën, ishin Engel dhe kongresisti Jerry Nadler, një tjetër demokrat në Nju Jork, së bashku me senatorin Ben Cardin, si dhe dy kongresmenë tjerë, Tom Lantos dhe Ben Gilman, si dhe memoaristi i vdekur i holokaustit, Elie Wiesel. Shqiptarët shpëtuan hebrenjtë gjatë Holokaustit, dhe hebrenjtë më pas e kthyen të mirën ashtu si e do zakoni, shkruan gazeta prestigjioze izraelite The Jerusalem Post.
Engel është i vetëdijshëm për vlerën e shqiptarëve gjatë Luftës së Dytë Botërore. Por ai dhe të tjerët thonë se u përndoqën për shkak të ngurrimit të Amerikës për të ndërhyrë për të shpëtuar hebrenjtë gjatë Holokaustit dhe dëshironin që të mos përsëritet historia.
“Çfarë po shihni në terren, tek njerëzit atje, a po shihni ndonjë dëshpërim?” Engel pyeti një ekip amerikan për gjetjen e fakteve në një seancë të vitit 1998. “A mos kanë ndonjë ndjenjë se Shtetet e Bashkuara i kanë braktisur ata?”
Pulla postare me kongresistin Engel u prezantua këtë javë ndërsa ai po qëndronte në Kosovë për të ndihmuar në hapjen e një zyre të Millenium Challenge Corp, një agjenci e ndihmës së qeverisë amerikane. Zyra e Engel ndihmoi për të siguruar një grant MCC prej 49 milionë dollarësh për vendin. “Jam shumë i nderuar dhe i befasuar për këtë. Nuk e kisha fare idenë për këtë”, Engel i tha JTA (Jerusalem Telegraphic Agency) në një mesazh të postës elektronike.
“Puna ime për të promovuar marrëdhëniet e SHBA-Kosovë ka qenë ndër përpjekjet më kuptimplote të viteve të mia në Kongres. Jam i lumtur që kam ndihmuar jetët e njerëzve dhe kam kontribuar për të promovuar prosperitetin në rajon”.
Ky nuk është nderi i parë i Engel në vend: Në vitin 2008, qyteti i Pejës emërtoi një rrugë në shenjë respekti për të. Përgatiti: Jeton Zenuni – /tesheshi.com/
