Presidenti Meta thirri një konferencë për shtyp në një orë të pazakontë, në mbrëmje, ku arsyeja qe rasti i një mosmarrëveshjeje të shfaqur një ditë më parë me Ramën mbi një financim të Fondit Saudit për segmentin Vlorë – Orikum.
Edhe njëherë, i pari i shtetit pretendon se i pari i qeverisë ka shkelur Kushtetutën në këtë rast.
“Në të gjitha drejtimet, të gjitha rrugët janë në shkelje të kushtetutës dhe të ligjit për marrëveshjet ndërkombëtare. Në çdo rast vihet në dyshim mbrojta e interesave të qytetarëve pasi janë ato që i paguajnë në fund borxhet dhe huatë“, tha Meta.
“Pse e bllokon Presidenti? Sepse ka kërkuar transparencë, ligjshmëri dhe zbatim të Kushtetutës.
Kryeministri do që të autorizohet një marrëveshje e pa negociuar, apo një marrëveshje në shkelje të Kushtetutës.
E kam vënë në dijeni katwr herë si ish- ministër të Jashtëm Edi Ramën, s’kam marrë asnjë përgjigje për të paraqitur këtë shqetësim. Kurse në Vlorë e paska ngritur këtë shqetësim”, tha Meta.
Pra, për një arsye të tillë, Meta zgjodhi të dalë para medias në një orë të pazakontë, ku vetëm për ngjarje të befasishme dhe me sensitet të lartë për publikun, kreu i shtetit vendos të komunikojë direkt me median. /tesheshi.com/
