Kryeministri Edi Rama garantoi mbështetje për banorët e Zharrëzës, duke njoftuar në komunikimin javor, se po punohet për të evidentuar të gjitha dëmet që kanë pësuar banesat e tyre dhe se pas kësaj, atyre do t’u jepet edhe dëmshpërblimi i plotë.
“Qeveria e dëgjoi me vëmendje shqetësimin e tyre dhe angazhoi një ekspertizë. Banorët kanë qenë të braktisur nga shteti, do të zgjidhim njëherë e mirë problemet. Qeveria po punon për të evidentuar të gjitha dëmet dhe invetari është në përfundim. Kemi folur me kompaninë dhe po punohet për dëmshpërblimin sa më parë”, u shpreh kryeministri Rama.
Më tej kryeministri Rama bëri fajtore për situatën në sektorin e naftës qeveritë e kaluara duke theksuar se më në fund po vendoset rregull. /tesheshi.com/
