Të gjitha dyqanet e kompanisë së modës Orsay në Gjermani do të mbyllen në fund të qershorit, tha grupi Orsay për portalin tregtar Textilwirtschaft.
Gjiganti i modës ka konfirmuar tashmë në fund të 2021 se është në krizë dhe po planifikon masa. Goditja e radhës erdhi në mars të këtij viti: Orsay ndërpreu qiratë e 197 ambienteve të biznesit që nga 1 korriku. Më herët është përmendur vetëm mbyllja e rreth 79 dyqaneve.
Për shkak të mungesës së likuiditetit, kompania po kërkonte një operator të ri, por tani është bërë e qartë – nuk ka asnjë shpresë për Orsay.
Prandaj, fundi është i pashmangshëm për të 197 dyqanet. Rreth 1200 punëtorë do të humbasin punën e tyre.
Nuk dihet ende se çfarë do të ndodhë me dyqanet e Orsay, nuk dihet se kush do t’i marrë përsipër ato.
Fatkeqësisht, ky nuk është i vetmi rrjet mode që po mbyll dyqanet në Gjermani dhe po bëhet gjithnjë e më e qartë se sa e vështirë është situata. /tesheshi.com/
