Volodimir Zelenski, komediani ukrainas, fitoi zgjedhjet presidenciale përballë kreut të shtetitnë detyrë Petro Poroshenko, një zhvillim që është pritur “mirë” nga Moska.
Ukraina ka mundësi për të bërë ndryshime pozitive për të mirën e shoqërisë në tërësi – u vlerësua nga Ministria e Jashtme ruse pasi sondazhet treguan se Petro Poroshenko humbi zgjedhjet presidenciale.
“Ukraina mund të korrigjohet duke njohur nevojën për të bashkuar njerëzit, jo me forcë, por me zhvillimin e një plani kombëtar”, tha një zëdhënësja Maria Zakharova në një deklaratë.
Ajo vuri në dukje se shumë ukrainas në zonat e konfliktit me separatistët pro-rusë nuk ishin në gjendje të votojnë në zgjedhje.
“Udhëheqja e Ukrainës nuk duhet të përjashtojë miliona qytetarë të saj nga votimi”, tha Zakhrarova, sipas një deklarate të publikuar në faqen e saj në Facebook.
Volodimir Zelenski tha të dielën pas zgjedhjeve se detyra e tij të parë si president të Ukrainës do të jetë lirimin e ukrainasve arrestuar në përleshjet në lindje të vendit.
“Detyra jonë e parë është lirimi i të burgosurve tanë”, tha Zelenski. “Do të bëj gjithçka për t’i sjellë djemtë tanë në shtëpitë tona, të gjithë robërit tanë, pa përjashtim”. /tesheshi.com/
