Komandanti i KFOR-it në Kosovë, Giovanni Fungo, ka deklaruar se NATO mbështet zhvillimin e FSK-së në pajtim më mandatin e tyre aktual, ndërsa ka tërhequr vërejtjen se nëse mandati i FSK-së avancon, atëherë Aleanca Veri-Atlantike do të shqyrtojë nivelin e përkushtimit ndaj kësaj force në ndërtimin e kapaciteteve, duke dalë kështu haptaz kundër iniciativës së presidentit Thaçi.
Ai në një intervistë për “European Ëestern Balkans” tha se KFOR-i do të vazhdojë të ndihmojë FSK-në si forcë multietnike dhe profesionale në pajtim me mandatin e tyre aktual, por nëse ndryshon mandati i FSK-së për shndërrim në ushtri atëherë edhe NATO do të shqyrtojë përkushtimin e saj ndaj kësaj force.
Gjeneral-lejtnanti Fungo ka vlerësuar situatën e sigurisë në vend sit ë qëndrueshme, pavarësisht disa tensioneve të mëhershme, duke sjellë në vëmendje se me përjashtim të manastirit të Deçanit, të gjitha objektet tjera fetare serbe në Kosovë janë nën mbikëqyrjen e policisë.
“KFOR-i bashkëpunon me institucionet e sigurisë në Kosovë dhe bashkësinë ndërkombëtare, për të siguruar se Kosova disponon mjetet e duhura për t’u përballur ndaj çdo sfide të sigurisë”, ka deklaruar Fungo. /tesheshi.com/
