Ish-deputeti socialist Koço Kokëdhima ka dalë kundër reformës në drejtësi duke e konsideruar edhe ai një reformë të Sorosit. I ftuar tek Studio e Hapur e Enis Vasilit, Kokëdhima u shpreh troç kundër fondacionit Soros si ndikues në politikën shqiptare dhe qeveritë e ndryshme.
Por kundër tij dhe pretendimeve të shfaqura, sidomos për faktin se pas reformës në drejtësi qëndron Sorosi, ishte opinionisti Mentor Nazarko, i cili e konsideroi Sorosin një mit të sajuar. Sipas tij, reforma është një investim amerikan.
Sakaq, Kokëdhima kujtoi 21 korrikun e këtij viti, ditën kur u votua reforma në parlament, ku sipas po atë ditë Donald Trump do deklaronte se me të president Amerika as nuk do të vinte e as nuk do hiqte qeveri e pushtete në botë.
Aludimi qe i qartë: kundër kësaj reforme të ardhur si imponim nga SHBA. Ky lloj reagimi i Kokëdhimës vjen pas faktit gjithnjë e më të qartë se dhe distancimi i tij nga Rama, i cili nisi me heqjen e mandatit të deputetit nga Kushtetuesja, është një direktivë e pastër amerikanë.
Ndërkohë, ditë më parë Kokëdhima pati një replikë në distancë me ambasadorin Lu, prej të cilit u përfol si i korruptuar. Kokëdhima promovoi gjithashtu një lëvizjeje të tij brenda PS-së me qëllimin për ta reformuar këtë parti. /tesheshi.com/
