Asnjë prej dy të arrestuarve në kapjen e 613 kg kokainë në Maminas, të vlerës 180 milion euro, nuk e ka pranuar akuzën në seancën e dhënies së masës së arrestit.
Si menaxheri i kompanisë “Arbëri Garden”, Donaldo Lushaj e si shoferi i maunes Armando Pezaku, janë shprehur se nuk kanë patur asnjë dijeni për sasinë e drogës së fshehur në kontenier.
Madje avokati i njerit prej tyre, i shumënjohuri Maks Haxhia, tha se klienti i tij e kishte rrogën 250 mijë lekë.
Por nga ana tjetër, një njeri me këto të ardhura vështirë se mund të marrë për avokat në një proces Maks Haxhinë, një ndër më të superpaguarit në mbrojtje. Avokat Maks Haxhia merret vetëm me rastet VIP. /tesheshi.com/
