Dorian Koçi, studiues i njohur, është emëruar në krye të Muzeut Historik Kombëtar pas shkarkimit të Melsi Labit. Ky i fundit, i ardhur nga LSI, u shkarkua si drejtori me urdhër të ministres Kumbaro pas disa deklaratave ne media kundër eprores së tij dhe që ishin me sfond politik.
Ndërsa Koçi ishte nr. 2 i këtij institucioni që tashmë mjerr frenat si drejtor.
Dorian Koçi nuk është angazhuar asnjëherë në politikë. Ai ka preferuar të qëndrojë gjithnjë pjesë e aulave studimore, duke u angazhuar dhe në media me trajtesa historike.
Fakti që është nga Tepelena, pra nga zona e ardhshme elektorale e ministres Kumbaro e cila pritet të kandidojë si deputete në Qarkun e Gjirokastrës, mund të konsiderohet si rastësi.
Ndërsa largimi i Melsi Labit, veç arsyeve institucionale, përmban dhe arsye politike në kuadër të acarimit të raporteve mes PS-së dhe LS-së, paradoksalisht aleatë akoma në qeverisje. /tesheshi.com/
