Zëvendësministri i Zhvillimit Ekonomik, Gani Koci, njëherësh anëtar i kryesisë së PDK-së, ka demantuar liderin e Nismës për Kosovën, Fatmir Limajn, i cili dje tha se është ndarë me Thaçin kur kuptoi se po e sillte Serbinë në Kosovë. Koci ka thënë se Limaj është larguar kur kuptoi se Thaçi nuk do ta mbronte për veprimet e tij korruptive si ministër, edhe përkundër përpjekjeve shantazhuese të tij.
“Fatmir Limaj, në një deklarim për opinionin public, tha se u largua nga Hashim Thaçi kur kuptoi se ai po e sjell Serbinë në Kosovë?!! Kjo është rrena ma e madhe e Fatmirit e thënë deri më tani. Fatmiri u largua nga Hashimi kur kuptoi se po ky Hashim nuk do ta mbronte Fatmirin për veprimet e tij korruptive si ministër… edhe përkundër përpjekjeve shantazhuese të tij. Të na tregojë Fatmiri në sa dyer trokiti për të bërë parti të re kundër Hashimit pasi doli nga burgu i Hagës, dhe se a gjeti përkrahje….! U kthy prapë te Hashimi!!!”, ka shkruar Koci në llogarinë e tij në Facebook. /tesheshi.com/
