Disa media shqiptare në Maqedoni, që siç duket kanë qëndrime pranë BDI-së, po hapin lajme përpara balotazhit se partia e Zijadin Selës po largohet nga qeveria e Zaev.
Këto lajme nuk po gjejnë asnjë konfirmim zyrtar, por qëllimi duket se është për të tronditur opinionin pas lidhjes së aleancës mes Aleancës Shqiptare dhe Lëvizjes BESA e cila ka marrë emrin Aleanca me Besë, e cila paraqitet si subjekt i përbashkët më 29 tetor në raundin e dytë të zgjedhjeve lokale.
Gazetari i njohur Fejzi Hajdari, i cili është edhe drejtori i gazetës Lajm, e drejton gishtin tek BDI-ja.
“Se sa i rendesishem dhe me efekt pozitiv per shqiptaret eshte koalicionimi i dy partive shqiptare, nen siglen: ALEANCA ME BESE, shikoni vetem reagimet e disa qyqareve dhe disa UDB-asheve te BDI-se, te cilet te frikesuar se pas 17 vitesh pushtet do ta humbin pushtetin, nuk lene gje pa sharë. Por shyqyr Zotit qe ju mungon argumenti. Ata kane vetem nje argument (!) – SE DO TA HUMBIN PUSHTETIN…, dhe pastaj dihet ne burg, sdomos kreret partiakë te cilet pervec qe jane te dyshuar per vrasje…, dyshohen edhe per vjedhje, korrupsion si dhe PER IKJEN (per te mos thene demibin masiv) E TE RINISE SHQIPTARE NGA MAQEDONIA.
Eh sa mire qe gjithcka ne jete ka FILLIM dhe FUND!”, shkruan Fejzi Hajdari.
Sipas rezultateve të raundit të parë, në të gjitha komunat shqiptare që kanë dalë në balotazh bashkimi i votave të lëvizjes BESA me Aleancën Shqiptare e bën këtë bashkim fitues në disa qytete shqiptare.
Në foton bashkëngjitur shikohen rezultatet që i ka në çdo komunë Aleanca me Besë dhe koalicioni BDI-LSDM në komunat shqiptare. /tesheshi.com/
