Këshilli për Mbrojtjen e të Drejtave e të Lirive të Njeriut në Prishtinë kërkon trajtimi shëndetësor për të burgosurin Sami Lushtaku.
“I dënuari Sami Lushtaku është hospitalizuar për shkak të probleme kardiake ( sipas kardiologëve) të cilët , gjithashtu vlerësojnë se shërimi apo përcjellja e gjendjes shëndetësore kërkon më shumë kohë dhe se vetëm dy ditë janë të pamjaftueshme në rastin konkret”, thuhet në një reagim të kësaj organizate humanitare.
KMDLNj përkujton se personat e privuar nga liria, të paraburgosur apo të dënuar i humbin apo iu kufizohen disa të drejta por nuk mund t’iu mohohet e drejta për shërim në ambientet e burgut (për raste më të lehta) apo në spitalet rajonale apo QKUK, (në raste më të rënda).
Sipas KMDLNj – së, dënimi i Sami Lushtakut paraqet nonsens juridik dhe logjik dhe në praktikat gjyqësore në botë nuk njihet edhe një rast i tillë.
Përkundër kësaj, KMDLNj kërkon të respektohen të drejtat e njeriut të personave të privuar nga liria për një trajtim shëndetësor cilësor dhe në përputhje me gjendjen shëndetësore të personave të privuar nga liria në të kundërtën përgjegjësinë për përkeqësimin e shëndetit të këtyre personave e marrin Gjykatat kompetente, Shërbimi Shëndetësor i Burgjeve dhe Shërbimi Korrektues i Kosovës.
/tesheshi.com/
