Trajneri i Liverpool-it, Jurgen Klopp, ka thënë se nuk ka dyshime për angazhimin e Mohamed Salah ndaj klubit, pavarësisht spekulimeve për interesimin nga Arabia Saudite për transferimin e tij.
Salah ka hedhur poshtë spekulimet për një lëvizje në Al Ittihad, të cilët raportohet se po mendojnë të dërgojnë një ofertë më të mirë për sulmuesin 31-vjeçar pasi Reds refuzuan një ofertë prej 150 milionë euro të premten.
Dritarja e transferimeve saudite mbyllet të enjten, por Klopp është i bindur se Salah do të mbetet në klub pavarësisht se Al Ittihad është i përgatitur të paguajë 200 milionë euro për të sjellë egjiptianin, sipas burimeve të Sky Sports.
“Ai është lojtari ynë, ai dëshiron të luajë këtu dhe kaq”, tha Klopp për Sky Sports pas fitores 3-0 ndaj Aston Villa-s. /tesheshi.com/
