Autoritetet shqiptare po i gëzohen faktit se deri më tani, paçka infektimeve në radhët e bluzave të bardha, nuk ka asnjë jetëhumbje te ta.
Përkundrazi, sipas Ministrisë së Shëndetësisë, ata po shërohen një e nga një.
Ministrja Manastirliu bëri me dije se edhe 5 infermierë, prej të cilëve, 4 në Kukes dhe 1 në Fier, janë shëruar nga COVID-19
“Edhe 5 infermierë në Kukës dhe Fier janë shëruar nga COVID-19, mes 29 të shëruarve të 24 orëve të fundit.
Janë 47 personel shëndetësor të shëruar nga COVID-19.
Deri tani janë 385 pacientë dhe staf mjekësor që e kanë fituar betejën me COVID-19 dhe numri i të shëruarve vijon të jetë më i lartë se i të prekurve aktualë, një tendencë që vijon pa luhatje prej më shumë se 10 ditësh. Forca!”, shkruan gruaja në krye të shëndetësië shqiptare. /tesheshi.com/
