Një vazo qeramike që paraqet skulpturën e një personi të zhytur në mendime e stampuar mbi këtë vazo, është gjetur gjatë kërkimeve arkeologjike në qytetin izraelit Yehud. Skulptura e qeramikës daton rreth 4000 vjet më parë, sipas specialistëe të arkeologjisë izraelite. Sipas tyre, duket se në fillim është prodhuar kana, e cila është tipike e periudhës, dhe më pas, skulptura unike i është inkorporuar asaj duke sjellë dhe rastin e parë të zbuluar të këtij tipi.
Këtë e ka konfirmuar edhe Gilad Itach, drejtori i kërkimeve. Kana e gjendur në një objekt funeral, është restauruar me gjithë skulpturën sipër saj. Objekti i pazakonte është vetëm rreth 18 centimetra i gjatë. Vetë ena është një formë ovale të zgjatur, ndërsa personi në majë të sajë është ulur në gjunjë në një moment pushimi.
Sipas eksperteve, saktësia në detaje dhe tipizimi i skulpturës, e datojnë atë në një moshë rreth 4000-vjeçare. Kërkuesit e kanë zbuluar objektin së bashku me sende të tjera që ishin objekte funerali, varrosur së bashku me trupin e një personi të rëndësishëm, ka deklaruar zyrtari Efrat Zilber.
Ai ka thënë se sipas njohurive të tija, një objekt i tillë funeral kaq i pasur nuk është gjetur asnjeherë më parë në këtë vend. Po arkeologët thonë se nuk janë të sigurt nëse poçari original ka bërë edhe skulpturën, ose nëse ndonjë artist tjetër ka vendosur për të shtuar një zbukurim në këtë enë të thjeshtë.
Objekti vjen nga rreth 2000 vite para erës sonë, në periudhën e bronxit të mesëm dhe është gjetur në Levant. Sipas Muzeut Metropolitan i Artit, kjo i përket kohës kur fiset nomade, Amorejtë u vendosën në të gjithë pjesën veriore të rajonit në mes të Levantit dhe Egjiptit. /tesheshi.com/
