Kreu i Kishës Ortodokse Ruse, Patriarku Kirill, tha se ushtarët rusë që vdesin duke luftuar kundër Ukrainës do të “pastrohet nga të gjitha mëkatet”.
Deklarata e liderit fetar erdhi disa ditë pasi presidenti rus Vladimir Putin urdhëroi mobilizimin, i pari që nga Lufta e Dytë Botërore, raporton Reuters.
Kirill ka kritikuar më parë ata që kundërshtojnë luftën dhe u bëri thirrje rusëve të bashkohen rreth Kremlinit.
Agjencia britanike vlerëson se Kirill është një nga aleatët kryesorë të Putinit dhe një mbështetës i luftës në Ukrainë.
“Shumë po vdesin në fushat e luftimit të ndërsjelltë,” tha Kirill, 75 vjeç, në fjalimin e tij të parë javor që kur Putin nënshkroi dekretin për mobilizimin e pjesshëm.
Papa Françesku, kundër luftës në Ukrainë
Patriarku shtoi se Kisha lutet që luftimet të përfundojnë sa më shpejt që të “vdesin sa më pak vëllezër në këtë konflikt vëllavrasës”.
Zyrtarët rusë kanë thënë se mobilizimi i pjesshëm do të përfshijë rreth 300,000 trupa shtesë dhe do të thërrasë rezervistët me përvojë ushtarake.
Mbështetja e Kirillit për luftën në Ukrainë ka thelluar hendekun midis Kishës Ortodokse Ruse dhe kishave të krishtera në mbarë botën, sipas Reuters.
Kreu i Kishës Katolike, Papa Françesku, është një nga kundërshtarët më të zëshëm të luftës dhe deri më tani ka kritikuar vazhdimisht qëndrimin e Kirilit.
Në një fjalim në fillim të këtij muaji, Papa deklaroi se Zoti nuk e mbështet luftën, kujton agjencia britanike. /tesheshi.com/
