Data 11 nëntor në Kinë është “Dita e Beqarëve”, një festë relativisht e re, por që në pak kohë është bërë pjesë e kulturës vendase. Ajo qe karakterizon mbi të gjitha është natyra komerciale e kësaj feste. Kjo është nga ditët me shitjet më të mëdha në Kinë. Aq sa një nga faqet më të mëdha të shitjeve online në botë, Ali Baba, theu rekord duke bërë 18 miliardë dollarë shitje për një ditë. Mund ta imagjinoni vetë se çfarë shpenzimesh bëhen në këtë ditë të vitit.
Për këtë arsye, një firmë kineze nga Chonqing ka ngritur debate rreth vendimit të saj për t’jua shtyrë rrogat punonjësve të vet pas datës 11 nëntor, e cila normalisht merret me datë 10 të çdo muaji.
Arsyeja duket se ka qenë shumë e thjeshtë: që punonjësit e kësaj firme mos t’i bëjnë paratë “rrush e kumbulla” ditën e beqarëve, por t’i ruajnë për nevojat e tyre reale.
Sipërmarrësi i firmës u tha gazetarëve se kishte vënë re se shumë prej punonjëve të tij kishin bërë gati një listë me gjërat që donin të blinin me datë 11 nëntor. /tesheshi.com/
