Ministria e jashtme e Kinës tha të shtunën se Shtetet e Bashkuara duhet të ndalojnë “shtypjen e paarsyeshme” ndaj kompanive kineze, siç është Huawei.
U njoftua të premten se qeveria amerikane po vendos kufizime të reja për gjigantin kinez Huawei, i cili do të kufizohet nga përdorimi i teknologjisë amerikane kur bën gjysmëpërçuesit.
I pyetur nga Reuters nëse Pekini do të merrte masa hakmarrëse ndaj Uashingtonit, Ministria e Jashtme kineze tha që vendi do të mbronte me forcë të drejtat ligjore të kompanive të tij.
Departamenti i Tregtisë amerikane njoftoi të premten se kufizimet e reja kanë për qëllim parandalimin e përpjekjeve të kompanisë kineze për të minuar sanksionet ekzistuese të SHBA.
“Vrimat në ligj”
Kufizimi i ri është i veçantë nga përpjekja e administratës Donald Trump për të ndaluar shitjen e teknologjisë amerikane për Huawei.
Një vit më parë, qeveria amerikane renditi në listë këtë kompani kineze, e cila u potencua si një rrezik të sigurisë kombëtare.
Sidoqoftë, disa ndërmarrje amerikane ende u lejohet të punojnë me Huawei, dhe ky opsion do të jetë i mundur edhe për 90 ditë të tjera, sipas një vendimi të miratuar këtë javë.
Shumë kompani amerikane shfrytëzuan një numër zbrazëtirash në ligj, kështu që ata vazhduan të furnizojnë Huawei-n me produkte që nuk janë bërë në Shtetet e Bashkuara. /tesheshi.com/
