Ambasadorja amerikane Yuri Kim, e pranishme në konferencën “Sfidat e Prokurorisë së Përgjithshme në Dritën e Reformës në Drejtësi”, ofroi dhe kredon me të cilën duhet të punojë organi i akuzës në kuadër të kësaj reforme.
“Fajtori nuk duhet të shpëtojë dhe i pafajshmi nuk duhet të vuaj!”, ishte ajo çfarë veçoi Kim në fjalën e saj.
“Duhet të përdoret çdo mënyrë të ligjshme për të sjellë drejtësi. Duhet të përmbushen nevojat e popullit që ju u shërbeni. Përdorni fuqinë tuaj për të çuar përpara Reformën në Drejtësi. SHBA do qëndrojë pranë jush nëse i bëni këto”, tha ambasadorja Yuri Kim.
Nga ana tjetër, ambasadori Soreca, kolegu i Kim që përfaqsëson Brukselin në Tiranë, kujtoi milionat e hedhura për Reformën në Drejtësi.
“BE ka dhënë 34 milionë euro në lidhje me këto reforma për ta bërë sistemin më efikas. Kjo është një shumë tepër e rëndësishme. Fokusi duhet të jetë që ta bëjmë këtë sistem më efikas dhe t’i shërbejë popullit për transparencë. Ne besojmë se Shqipëria meriton të ecë përpara dhe shpresojmë që vendet e anëtarë të BE-së të marrin vendim pozitiv në javët në vijim për negociatat“, tha Soreca. /tesheshi.com/
