Kili ka fituar për herë të parë Kupën e Amerikës, pasi triumfoi ndaj Argjentinës me penallti. Në një ndeshje me shumë tension dhe me pak raste shënimi, ishin 11-metërshat ato që përcaktuan fituesin e këtij takimi.
Ndeshja ishte e barabartë sa i përket atyre pak rasteve që krijuan skuadrat përgjatë 90 minutave lojë. Shpesh herë kishte moment tensioni të cilat u shoqëruan me shtatë kartonë të verdhë.
Dhe në fund, gjuajtjet e gabuara të Higuainit dhe Banegas, gjithashtu edhe ekzekutimi përfekt me “panenka” i Sançezit, bëri që Kili të triumfojë në tokën e tij, duke çuar në trans stadiumin kombëtar të Santiagos.
Nuk ka gjë më të mirë të ëndërrosh zgjuar. Kilianët kanë realizuar ëndrrën e kahmotshme, fitimin e Kupës së Amerikës.
Një kombëtare fantastike në të gjitha aspektet, që gjithë ato lojrave të bukura që zhvilluoi, i finalizoi në fund me një titull të madh.
Dhe, pikërisht para një rivali si Argjentina e cila ishte top-favorit për ta fituar këtë garë, duke patur parasysh formën fantastike që kanë kaluar disa nga yjet kryesor të kësaj skuadre. /tesheshi.com/
